Управата за јавни приходи (УЈП) го објави процентот за месечна аконтација на данокот на добивка за април 2025 година — тој е позитивен и изнесува 1,4%.
Што значи ова за компаниите?
Аконтацијата што треба да се плати до 15 мај 2025 година се пресметува како 1/12 од годишната даночна обврска прикажана во Даночниот биланс за 2024 година, зголемена за овој нов процент од 1,4%. Поточно, се зема износот од АОП 56 од ДБ за 2024 година и се прилагодува со овој месечен раст.
Што важи за трговците поединци и самостојните вршители на дејност?
И за нив важат роковите до 15 мај 2025, но пресметката е малку поинаква. Тие плаќаат една дванаестина (1/12) од „Пресметаниот данок“ прикажан на реден број VII (АОП–31) во Образецот “ДЛД – ДБ” за 2024 година.
Важно е да се напомене дека УЈП веќе им ги има испратено налозите за плаќање преку системот е-ПДД. Преку овој систем, автоматски се генерираат 13 налози – 12 за месечните аконтации (од април 2025 до февруари 2026) и еден дополнителен налог за годишната обврска по основ на ДЛД ДБ.
